படையினர் செய்த காரியம்..!கிணறு இல்லாமல் தவிக்கும் மக்கள்

முல்லைத்தீவு - புதுக்குடியிருப்பில் இராணுவத்தினரின் கட்டுப்பாட்டில் இருந்த ஒரு பகுதி காணிகளை இம்மாதம் 4ஆம் திகதி படையினர் பொதுமக்களிடம் கையளித்துள்ளனர்.
பொதுமக்களின் தொடர் போராட்டங்களின் காரணமாகவே படையினர் இந்த காணிகளை பொதுமக்களிடம் கையளித்துள்ளனர்.

மேலும் செய்திகள் விளம்பரத்திற்கு கீழ் தொடரும்

இந்நிலையில் அங்கே பொதுமக்களின் கிணறு ஒன்றை சமையல் கழிவுத்தொட்டிக்கு பதிலாக இராணுவத்தினர் பயன்படுத்தியுள்ளதாக பொதுமக்கள் கவலை வெளியிட்டுள்ளனர்.
அத்துடன், அங்குள்ள பொதுமக்கள் குடிநீர் பிரச்சினையை எதிர்கொண்டுள்ளதாக கூறப்படுகின்றது.
கழிவு நிரப்பப்பட்ட அந்தக் கிணறு இனிமேல் பயன்படுத்த முடியாது. புதிய கிணறு தான் வெட்டவேண்டு அதற்கு தம்மிடம் வசதி இல்லை என பொதுமக்கள் மிகக்கவலையுடன் தெரிவித்துள்ளனர்.
மேலும், இந்தக்காணிகளை இராணுவத்தினர் பொதுமக்களிடம் கையளிக்கும் போது அவர்களின் வீடுகளை சேதமாக்கிய நிலையில் இவ்வாறான செயலின் காரணமாக அங்குள்ள மக்கள் மேலும் பாதிக்கப்பட்டுள்ளமை குறிப்பிடத்தக்கது.