பிரித்தானிய நாடாளுமன்றத்தில் கலம் மக்ரேயின் மற்றொரு காணொளி! - தடுக்கும் முயற்சிகள் தோல்வி.

சனல் 4 ஊடகவியலாளர் கலம் மக்ரேயின் இலங்கை தொடர்பிலான மற்றொரு காணொளி பிரித்தானிய நாடாளுமன்றில் எதிர்வரும் 10ம் திகதி காட்சிப்படுத்தப்படவுள்ளது. நோ பயர் ஸோன் என்ற காணொளியின் சிங்கள மொழியாக்கமே இவ்வாறு காட்சிப்படுத்தப்படவுள்ளது. லீ ஸ்கொட், ஸ்வலாக் மெக்டொனாவ் உள்ளிட்ட பிரித்தானியாவின் நாடாளுமன்ற உறுப்பினர்களும் இந்த நிகழ்வில் பங்கேற்கவுள்ளனர்.

நாடாளுமன்றின் 21ம் இலக்க அரங்கில் காணொளி காட்சிப்படுத்தப்படவுள்ளது. தடை செய்யப்பட்ட இயக்கமொன்று தொடர்பிலான காணொளியை காட்சிப்படுத்தக் கூடாது என பிரித்தானிய வாழ் இலங்கையர்கள் சிலர் கோரியதாகவும், அந்தக் கோரிக்கை பலனளிக்கவில்லை எனவும் சிங்கள பத்திரிகையொன்று செய்தி வெளியிட்டுள்ளது. ஜனாதிபதி மைத்திரிபால சிறிசேன பிரித்தானியாவுக்கு விஜயம் செய்துள்ள நிலையில் இந்தக் காணொளி காட்சிப்படுத்தப்படவுள்ளமை குறிப்பிடத்தக்கது.