வடக்கு மாகாண முதலமைச்சர் சி.வி. விக்னேஸ்வரனை கட்சியில் இருந்து நீக்க கோரும் அதிகாரம் எம். ஏ சுமந்திரனுக்கு இல்லை என்று தமிழ் தேசிய கூட்டமைப்பின் ஊடகப் பேச்சாளர் சுரேஷ் பிரேமசந்திரன் தெரிவித்தார்.
வடமாகாண முதலமைச்சர் சி.வி. விக்கினேஸ்வரனை கட்சியிலிருந்து நீக்க வேண்டும் என்று எம். ஏ. சுமந்திரன் தெரிவித்திருந்தார்.
இது தொடர்பில் தமிழ் தேசிய கூட்டமைப்பின் ஊடகப் பேச்சாளர் சுரேஷ் பிரேமசந்திரனிடம் ஊடகம் ஒன்று தொடர்பு கொண்டு கேட்டபோதே அவர் இதனைத் தெரிவித்தார்.
விக்கினேஸ்வரனை கட்சியிலிருந்து நீக்ககோரும் கருத்து அவருடைய தனிப்பட்ட கருத்து என்றும் அது கட்சியின் கருத்து அல்ல என்றும் அவர் மேலும் குறிப்பிட்டார்.
முன்னதாக தமிழரசுக் கட்சியின் தலைமையிடமும் சுமந்திரன், முதலமைச்சர் விக்கினேஸ்வரனை கட்சியிலிருந்து நீக்க வேண்டும் என்ற கோரிக்கையை முன்வைத்துள்ளதாக சுரேஷ் பிரேமசந்திரன் தெரிவித்தார்.
