காணா­மல் ஆக்­கப்­ப­டு­தலைக் குற்­ற­மாக அறி­விக்­கும் சட்­ட­ வ­ரைவை, ஒத்திவைக்க அரசு முடிவு!

பல­வந்­த­மாகக் காணா­மல் ஆக்­கப்­ப­டு­தலைக் குற்­ற­மாக அறி­விக்­கும் சட்­ட­ வ­ரைவை, மகிந்த அணி­யு­ட­னான சந்­திப்­பை­ய­டுத்து எதிர்­வ­ரும் 21ஆம் திகதி மீள­வும் ஒத்­தி­வைப்­ப­தற்கு அரசு தீர்­மா­னித்­துள்­ள­தாக கூறப்படுகிறது.

மகிந்த அணி, பௌத்த மகா­நா­யக்க தேரர்­கள், கடும் போக்­கு­டைய சிங்­கள தேசி­ய­வாத அமைப்­பு­க­ள் இந்­தச் சட்­ட­வ­ரை­வுக்கு எதி­ரா­கப் போர்க்­கொடி தூக்­கி­வந்த நிலை­யில், ஜனாதிபதி மைத்­தி­ரி­பால சிறி­சே­ன­வுக்­கும், தினேஸ் குண­வர்த்­தன தலை­மை­யி­லான மகிந்த அணி நாடா­ளு­மன்ற உறுப்­பி­னர்­க­ளுக்­கும் இடை­யி­லான சந்­திப்பு நேற்­று­முன்­தி­னம் இரவு நடை­பெற்­றது. சுமார் 2 மணி­நே­ரத்­துக்கு அதி­க­மாக நடை­பெற்ற இந்­தச் சந்­திப்­பை­ய­டுத்தே, சட்­ட­வ­ரைவு விவா­தத்­துக்கு எடுத்­துக்­கொள்­ளப்­ப­டாது என்ற உத்­த­ர­வா­தத்தை ஜனாதிபதி வழங்­கி­யுள்­ளார் எனத் தெரி­ய­வ­ரு­கின்­றது. பல­வந்­த­மாக காணா­மல் ஆக்­கப்­ப­டு­தலை குற்­ற­மாக அறி­விக்­கும் பன்­னாட்­டுச் சம­வா­யத்­தில் இலங்கை 2015ஆம் ஆண்டு டிசெம்­பர் மாதம் கையெ­ழுத்­திட்­டி­ருந்­தது. இதற்கு அமை­வாக சட்­ட­வ­ரைவு உரு­வாக்­கப்­பட்டு நாடா­ளு­மன்­றில் சமர்­பிப்­ப­தற்கு திட்­ட­மிட்­டி­ருந்­தது. மகா­நா­யக்க தேரர்­கள் எதிர்ப்பு வெளி­யிட்­டி­ருந்த நிலை­யில், சட்­ட­வ­ரைவை நாடா­ளு­மன்­றில் விவா­தத்­துக்கு அரசு எடுத்­துக் கொள்­ள­வில்லை. இந்த நிலை­யில் மீள­வும் சட்­ட­வ­ரைவு எதிர்­வ­ரும் 21ஆம் திகதி விவா­தத்­துக்கு எடுத்­துக் கொள்­ளப்­பட இருந்­தது. இதற்கு தற்­போ­தும் எதிர்ப்­புக்­கள் வெளி­யி­டப்­பட்­டன. எதிர்ப்பு வெளி­யிட்ட மகிந்த அணி­யின் முக்­கிய உறுப்­பி­னர்­கள், ஜனாதிபதி மைத்­தி­ரி­பால சிறி­சே­ன­வைச் சந்­தித்­துப் பேசி­னர். இந்­தச் சந்­திப்­பை­ய­டுத்தே, எதிர்­வ­ரும் 21ஆம் திகதி விவாத்­துக்கு மேற்­படி சட்­ட­வ­ரைவு எடுத்­துக் கொள்­ளப்­ப­டாது என்று தெரி­ய­வ­ரு­கின்­றது.