மைத்திரியின் நிகழ்வில் வடமாகாண அமைச்சர்!

அரசியல் கைதிகளின் விடுதலைக்கு நடவடிக்கை எடுக்காதமைக்கு எதிர்ப்புத் தெரிவித்து இன்று யாழ்ப்பாணத்தில் போராட்டம் நடத்தப்படும் என்று அறிவிக்கப்பட்ட நிலையிலும், ஜனாதிபதி மைத்திரிபால சிறிசேன இன்று காலை யாழ்ப்பாணம் வந்தார். அச்சுவேலி – நிலாவரையில் விவசாய உற்பத்திகளை அதிகரிப்பது தொடர்பான நிகழ்வில் அவர் இன்று காலை பங்கேற்றார்.

ஜனாதிபதி பங்கேற்கும் நிகழ்வுகளில் தமிழ்த் தேசியக் கூட்டமைப்பின் நாடாளுமன்ற உறுப்பினர்கள் பங்கேற்காமல் புறக்கணிப்பர் என்று கூட்டமைப்பின் பேச்சாளரான எம்.ஏ.சுமந்திரன் தெரிவித்திருந்தார். வடக்கு மாகாணசபையும் ஜனாதிபதியின் நிகழ்வுகளை புறக்கணிக்கும் என்று அவைத்தலைவர் சி.வி.கே.சிவஞானம் தெரிவித்திருந்தார். எனினும், நிலாவரையில் இன்று காலை நடந்த நிகழ்வில் வடக்கு மாகாண விவசாய அமைச்சர் சிவனேசன், மைத்திரியுடன் இணைந்து பங்கேற்றிருந்தார்.